(१) व्यवस्थापकले सञ्चार प्रतिष्ठानमा कार्यरत प्रत्येक
श्रमजीवी पत्रकारको लागि न्यूनतम पाँच लाख रुपैयाँको औषधी उपचार तथा दुर्घटना बीमा
गराउनु पर्नेछ ।
(२) कुनै श्रमजीवी पत्रकार सञ्चार प्रतिष्ठानको कामको सिलसिलामा दुर्घटनामा परी
चोटपटक लागेमा वा निजको अङ्ग भङ्ग भएमा वा अन्य कुनै कडा रोग लागेमा उपनियम (१)
बमोजिम बीमा गराएको रकमबाट उपचार गराउनु पर्नेछ ।
(३) उपनियम (१) बमोजिम वीमा गराउँदा लाग्ने कूल वीमा शुल्क रकम मध्ये पचास
प्रतिशत रकम सम्बन्धित सञ्चार प्रतिष्ठानले र पचास प्रतिशत रकम सम्बन्धित श्रमजीवी
पत्रकारले व्यहोर्नु पर्नेछ ।
(४) सञ्चार प्रतिष्ठानको कामको सिलसिलामा दुर्घटनामा परी कुनै श्रमजीवी
पत्रकारको मृत्यु भएमा उपनियम (१) बमोजिम गरिएको बीमा बापतको रकम ऐनको दफा
१६ मा उल्लेख भए बमोजिमको व्यक्तिले पाउनेछ ।
(५) यस नियम बमोजिम श्रमजीवी पत्रकारले उपचार बापत रकम पाएको कारणले
मात्र नियम ३० बमोजिम उपचार खर्च पाउनमा कुनै बाधा पु¥याएको मानिने छैन ।
(६) सञ्चार प्रतिष्ठानले यो नियम प्रारम्भ हुँदाका बखत आफ्नो प्रतिष्ठानमा कार्यरत
प्रत्येक श्रमजीवी पत्रकारको यो नियम प्रारम्भ भएको मितिले छ महिना भित्र उपनियम (१)
बमोजिम बीमा गरी सोको जानकारी प्रेस रजिष्ट्रारलाई दिनु पर्नेछ ।